Wenn das Schnäggedorf am Abend des Fasnachtssonntags wie ausgestorben wirkt, hat das einen ganz einfachen Grund: Tout Oberwil lauscht in den bis auf den letzten Platz besetzten Restaurants den «Schnitzelbängglern», die dem gespannten Publikum ihre süffigen Verse vortragen.

Wie im letzten Jahr waren auch in diesem Jahr acht «Bängg» unterwegs, darunter mit den «Verrauchte» und dem «Nääbegschmäggli» auch zwei neue Formationen. Die Verse zündeten, und das Publikum verdankte die Vorträge mit viel Applaus. Im Folgenden präsentieren wir eine Auswahl an Versen, eine Art Crème de la Crème.

«D’Schnäggewaggis» nehmen die Sparwut bei der Polizei aufs Korn und wissen, weshalb die örtliche Polizei davon ausgenommen ist.

Unseri zwei Polizischte die chönne trotz spare
mit eme nagelneue Bully ummefahre
mir frogen ys un hän studiert
wie hänn ächt die das finanziert
jetzt isch klar chönne die so ne chare poschte
wenn d’Parkcharte neu 100 Stutz duet choschte

«Mac Väärs» möchten das auf dem Dreispitzareal geplante 150-Meter- Schwimmbecken an einen Ort verlegen, an welchem die Belegschaft auch immer wieder ins Schwimmen kommt.

E 150 Meter Beggi
söll dört im Dreispitz aane ko
so wyt muesch zerscht mol chönne schwimme,
do duesch doch vorhär untergo
drum hän mr dänggt, me könnts verschiebe,
vom Standort här wärs genial
ins Stadion vom FC Basel
denn dört isch Untergo normal.

Beim «Rattatui» gehen nicht die Spieler des FCB baden …

S git Hiehner wo vom Rumpf bis Wade
Im e Beggi voller Chlor dien bade
das isch nüt Neu s das sagi i grad
die sesch au do bi uns im Gartebad

Die «Verrauchte» bemängeln zu Recht, dass bei der inflationären Verleihung von internationalen Preisen nicht immer die richtigen Personen bedacht werden.

Goldigi Palme, Oscars, Emmys und Nobälbryys aller Art
jä mir hänn bidäre Viilzahl vo Uszzaichnige nit gspaart
het dr Gianni Infantino vo dr Fifa sich so dänggt
macht e Friidensbryys und hejoo glar em Donald Trump gschänggt
mir lache uns do nur ins Fyschtli do hets e Verwäggslig geeh
well mir kenne sone Schütteler vo unsrem FCB
är sorgt für dr Friide bi de Gegner wennr amigs spiilt
well dr Broschinski alles git numme das blööde Gool verfäält

Die «Aagriffige» mit einem kreativen Vorschlag, wie Versorgungsengpässe bei künftigen Grossanlässen vermieden werden könnten:

Niemerts erkennt am ESC z’Basel d’Concita Wurscht
tuet uns leid … bisch doch so e flotte Burscht
isch schad, mir dänke no e paar Mol do dra
am Donnschdig-Jass zum Byspiel hätte mr gärn e Wurscht gha

Die «Fäldschnäggli» mit einer Erklärung dafür, weshalb unpünktliches Erscheinen im «Schnäggedorf» nicht zwingend selbstverschuldet sein muss:

Jä, e Buech dien mir lääse und e Grytzworträtsel lööse
Whatsapp schrybe delifoniere und e bitzli dööse
no e Liedli singe und s’Internet durqueere
denn goht si ändlig uffe, die Drämmli-Barriere

Für die «Staibuggler» ist es klar, weshalb Greta Thunbergs Einsatz in Gaza zum Scheitern verurteilt war:

D Greta und ihr Klimatross het e bitz an Glanz verlore
drum hett si für mehr PR uf e Schiff vor Gaza gschwore
leider mergge si viel z’spoot- s’verloht sy drum dr Muet
schwierig-aber uf em Wasser chläbbt dä Lym nit guet

«S’Nääbegschmäggli» befasst sich mit der Frage, wie das Schweizer Fernsehen der Zukunft aussehen könnte, falls die Halbierungsinitiative angenommen würde.

E Tages ohni Schau? E Panorama ohni Sport?
E Kasse ohni Sturz? E Tat ohni Ort?
So miessti halt zer Not das Schwyzer Färnseh funktioniere
Nur bitte! – Au em Sascha Ruefer d’Redezytt halbiere.

Martin Häne