Liebi Fründe vo dr Gugger-Gugge Ettigä

Bald isch es so wiit, es isch wieder Fasnachtszyt. Mir starte am Schmutzige Donnstig, 12. Februar bim Schuelumzug und wärde s’erste Mol unseri Stückli zum bestä gä. Zobe hämer unsere Passive- und Gönnerapéro, ahschliessend spiele mir in de Beize.

Am Sunntig gohts den richtig los. Nachem Umzug wärde mir rund ums Dorf divärsi Platzkonzert gä und ahschliessend in de Beize go spiele.

Au am Mäntig simer bim Kindermaskeball am Start. Zobe hämer den ä spielerischi Pause. Du wirsch abr sicher de eint oder ander vo uns inere Beiz ahträffe.

Mir freue uns ufe Fasnachtsändspurt mitem traditionelle Gugger-Obe und dr Waageburg am Zyschtyg, 17. Februar. Wer also Lust het, nit nur nomol ä Blick uf d Wääge vo de Ettiger Fasnachtsclique z wärfe, sondern au ä abwächslichsriichs Gugge-Konzert im Dorfkärn erläbe will, isch am Fasnachtszyschtig genau richtig. Starte duet das ganze am 19 Uhr.

Falls au du Lust hesch, bi uns mitzmache, chum doch ind Schnupperprob am Mäntig, 9. März uf die 19.45 Uhr in dr Aula bim Schuelhuus Trakt 4! Hesch witeri Froge, den mäld di unter info@guggergugge.ch

Mir freue uns uf ä tolli Fasnacht und freue uns, wenn mir de eint oder ander vo euch au wärde gseh.

Euri Gugger-Gugge Ettigä